Futbollisti i ri shqiptar, Ditmir Hoxha, ka shënuar golin e tij të parë me fanellën e skuadrës angleze Leeds Utd U-21.
Hoxha u aktivizua në minutën e 71-të dhe shënoi gol pas katër minutave.
Sulmuesi i talentuar, i cili gjatë verës së kaluar u transferua nga KF Rabotniçki te Leeds United, ka gjetur rrugën drejt rrjetës me ekipin U-21 në kuadër të Kupës së Ligës së Anglisë.
Leeds United pësoi humbje 3:1 në përballjen ndaj Hartlepool United, duke e përfunduar rrugëtimin në këtë garë.
Megjithatë, lajmi pozitiv për Leedsin ishte goli i Ditmir Hoxhës, i cili realizoi golin e vetëm për skuadrën e tij të re, duke regjistruar kështu golin e parë që nga transferimi në futbollin anglez.
Burimi: botasot.info
