23:00 29/08/2022Përmes një postimi në Twitter, këngëtarja e quan Zuckerberg të paaftë për të drejtuar MetaverseManjati i njohur mediatik, Mark Zuckerberg postoi pak ditë më parë një imazh të avatarit të tij Metaverse në llogarinë e tij Instagram, por siç duket ky postim nuk është pritur edhe aq mirë nga publiku. Këngëtarja e njohur Grimes përmes një postimi në Twitter, e ka quajtur 38-vjeçarin të papërshtatshëm për të drejtuar “Metaverse”.“Nëse Zuckerberg po ‘mbikëqyr Metaverse’, atëherë ai ka vdekur dhe njerëzit që kujdesen për artin dhe kulturën, le të ndërtojnë diçka tjetër. Gjithashtu, ky është art i keq. Cilësia e këtij imazhi flet vetë se sa e pamjaftueshme është të krijosh një realitet alternativ. Fjalë për fjalë edhe lojërat indie duken më mirë”, shkruan këngëtarja në postim.Pas kritikave të shumta, 38-vjeçari ripostoi pak ditë më vonë një version të ri të avatarit të tij, ku përmes një postimi në Instagram, ai u shpreh se ishte i vetëdijshëm se fotografia e postuar në fillim, nuk ishte në pritshmëritë e duhura. Por grafikat në Horizon janë shumë të afta dhe po përmirësohen shumë shpejt.Klan News
Ish e dashura e Elon Musk del kundër Mark Zuckerberg
