Në një hap të rëndësishëm për të ardhmen politike dhe zhvillimore të komunës së Çashkës, Suat Shaqiri nga koalicioni AKI pasiqë ka shpallur zyrtarisht kandidaturën e tij për kryetar të Komunës së Çashkës, ka njoftuar se do të takojë mërgatën në Itali.
Në një njoftim drejtuar mërgimtarëve nga Çashka, Shaqiri ka shprehur nderin dhe kënaqësinë që për herë të parë do të paraqitet si kandidat për këtë post, duke theksuar rëndësinë e dialogut me diasporën dhe bashkëpunimit për të ndërtuar një të ardhme më të mirë për komunën.
“Vullneti juaj është forca ime dhe shpresa jonë e përbashkët që një ditë të kemi fatin tonë në duart tona,” – është shprehur Shaqiri në ftesën publike.
Me këtë rast, ai ka ftuar të gjithë qytetarët e interesuar për një takim të hapur, i cili do të mbahet:
📍 E shtunë, ora 20:00
📌 Salla e Sindikatës, Piazza Franco Basile 3, 01017 Tuscania, Itali
Gjatë këtij takimi, do të diskutohen çështje kyçe që lidhen me zhvillimin e komunës, mirëqenien e qytetarëve dhe sidomos të rinisë, duke theksuar rolin e rëndësishëm të mërgatës në këtë proces.
Shaqiri ka theksuar se ky angazhim politik buron nga dëshira për t’i dhënë zë qytetarëve dhe për të krijuar një model të ri qeverisjeje, të bazuar në transparencë, përfshirje dhe zhvillim të qëndrueshëm.
