Shkup, 14 tetor – Politika monetare e zhvilluar nga Banka Popullore është e përshtatshme për kushtet dhe sfidat aktuale. Përmes rritjes graduale të normave të interesit, Banka Popullore kontribuon në stabilizimin e pritjeve inflacioniste, duke mbajtur llogari që të mos ketë efekte të rëndësishme në rritjen ekonomike dhe për të reduktuar ndikimin negativ të krizës shëndetësore dhe energjetike. Kështu është konstatuar nga Komisioni Evropian në Raportin Vjetor për progresin e vendit.
Gjithashtu, në Raportin e KE-së, ka vlerësime pozitive për politikën monetare të zhvilluar nga Banka Popullore. Thuhet se gjatë krizës së koronës, Banka Popullore arriti të ruajë stabilitetin financiar, për të ofruar hapësirë për mbështetje të konsiderueshme kreditore për qytetarët dhe kompanitë, ndërsa pas fillimit të presioneve të çmimeve, ka marrë masat dhe politikat e duhura për t’u përgjigjur në mënyrë adekuate ndaj tyre.
KE-ja vlerëson pozitivisht progresin në forcimin e kornizës institucionale për ruajtjen e stabilitetit financiar, përmes Ligjit të sapomiratuar për Stabilitetin Financiar. Në të njëjtën kohë, rregullorja e miratuar nga banka qendrore konsiderohet si një hap i rëndësishëm, përmes të cilave lehtësohet shitja e plasmaneve jofunksionale. Kjo është veçanërisht e rëndësishme duke pasur parasysh rritjen e rreziqeve në ekonomi për shkak të luftës në Ukrainë, gjë që mund të shkaktojë edhe një rritje të caktuar të vendosjeve jofunksionale. Në këtë kuadër, vendimi i Bankës Popullore për rritjen e shtresës mbrojtëse kundërciklike të kapitalit vlerësohet i përshtatshëm.
Duke pasur parasysh se Banka Popullore është pjesë e sistemit kombëtar statistikor, në Raport thuhet gjithashtu se banka qendrore vazhdon t’i përmbahet vazhdimisht Kodit të praktikës së statistikave evropiane.
Raporti i plotë i Komisionit Evropian, i cili në baza vjetore vlerëson në detaje politikat dhe progresin në reformat e secilit vend kandidat apo kandidat potencial për anëtarësim në Bashkimin Evropian, është në dispozicion në lidhjen e mëposhtme: https://neighbourhood-enlargement.ec.europa.eu/north-macedonia-report-2022_en.
