Shkup, 2 Nëntor – Në vazhdimësi sjellim masa për mbështetjen e qytetarëve në kushte të krizës më të madhe ekonomike, porositi kryeministri Dimitar Kovaçevski.
Kryeministri në profilin e tij në Fejsbuk duke kumtuar për vendimin më të ri për ngrirjen e çmimeve të drurit për ngrohje dhe peletëve, potencoi se mbrojtja e standardit të qytetarëve është prioriteti më i lartë i Qeverisë.
“Në vazhdimësi jemi duke sjellë masa për mbështetjen e qytetarëve në kushte të krizës më të madhe ekonomike botërore. Sot në seancën e qeverisë sollëm vendim për t’i ngrirë çmimet e drurit për ngrohje dhe peletëve. Një metër dru do të jetë maksimum 4.500 denarë, ndërsa një metër kub maksimum 6.429 denarë. Çmimi i peletëve për ngrohje, maksimum do të jetë 27 denarë për një kilogram”, qëndron në publikim.
