Pas angazhimit të pandërprerë dhe përkushtimit personal të kryetarit të Komunës së Haraçinës, Daut Beqiri, sot është zgjidhur problemi shumëvjeçar i furnizimit me ujë, i cili për një kohë të gjatë i ka shqetësuar banorët e kësaj komune.
Falë punës së tij intensive dhe koordinimit të ekipeve përgjegjëse, nga sot qytetarët do të kenë furnizim të rregullt me ujë, duke përmirësuar ndjeshëm cilësinë e jetesës dhe shërbimet bazike në zonë.
Banorët theksojnë se ky është një ndër premtimet e para të realizuara nga kryetari Beqiri, i cili po njihet për qasjen e tij konkrete dhe dinamike ndaj problemeve të komunës.
“Haraçina meriton të jetë e zhvilluar. Në shekullin XXI nuk guxon të mungojnë shërbimet elementare për jetesë. Jo fjalë, por vepra”, ka deklaruar kryetari Beqiri, duke paralajmëruar projekte të reja infrastrukturore në periudhën në vijim.
Ky hap po vlerësohet si një prej suksesëve më të rëndësishme të administratës aktuale dhe një shembull i qasjes aktive të kryetarit për t’i zgjidhur problemet historike të Haraçinës.