Shkup, 30 shtator – Kuvendi sot duhet të vendosë për shtyrjen e situatës së krizës në sektorin e energjisë edhe për gjashtë muaj, nga nesër deri në fund të prillit të vitit të ardhshëm, duke marrë parasysh se sot skadon vlefshmëria e vendimit të qeverisë për këtë qëllim, i cili ka hyrë në fuqi në fillim të muajit.
Pas një debati 5 ditësh të komisionit, në seancën plenare të sotme të 86-të duhet të diskutohen vendimet e propozuara për miratimin e zgjatjes së afatit për ekzistimin e gjendjes së krizës në të gjithë territorin e vendit, për shkak të mungesës së energjisë elektrike dhe gjendjes në tregjet e energjisë elektrike, si dhe për miratimin e zgjatjes së afatit për ekzistimin e gjendjes së krizës në rajonin e Qytetit të Shkupit, për shkak të mungesës së energjisë ngrohëse, mundësisë së përdorimit të lëndëve djegëse alternative dhe gjendjen e tregut të energjisë ngrohëse. Debati i Komisionit për propozim-vendimet përfundoi pardje, i cili u karakterizua nga akuza të ndërsjella mes qeverisë dhe opozitës për gjendjet në sektorin e energjisë.
Kryeministri Dimitar Kovaçevski edhe dje përsëriti se sezoni i ngrohjes në Shkup do të fillojë më 15 tetor dhe se do të ketë ngrohje, si dhe se po vazhdojnë negociatat me Serbinë dhe Turqinë për furnizimin me energjensa.
Në seancën e pyetjeve parlamentare, Kovaçevski theksoi se Këshilli Ekonomik dhe Energjetik tashmë ka marrë vendime sipas të cilave të gjitha shkollat në vend vendosen në tregun e rregulluar dhe spitalet do të marrin rrymë më të lirë përmes shitjes së EVN-së.
“Që të mos ketë ndërprerje fizike të mësimit, morëm vendim që shkollat fillore dhe të mesme të përfshihen në tregun e rregulluar. Nëse komunat do të kishin riorganizuar shpenzimet dhe ribalancuar buxhetet e tyre dhe do të udhëhiqeshin nga fakti se ka krizë energjetike, nuk do të kishte nevojë të vendoseshin në tregun e rregulluar. Kur i kanë bërë buxhetet nuk kanë marrë parasysh që jemi në krizë energjetike. E thashë, por u kritikova, kështu që në fund Danella Arsovska tha se nuk mund të jepte asgjë sepse ishim në krizë energjetike. Tani të gjithë e kuptuan se janë në krizë energjetike, por askush nuk u ul për të ribalancuar”, tha Kovaçevski.
“Pas propozimit të VMRO-DPMNE-së opozitare për tejkalimin e krizës energjetike të paralajmëruar pardje, lideri i kësaj partie Hristijan Mickoski e thirri kryeministrin Kovaçevski për debat për zgjidhjet e ofruara në propozim.
“Që të mos ketë dilema, të mos ketë paqartësi, i bëj thirrje kryeministrit të Qeverisë, Dimitar Kovaçevski, që të zgjedhim publikisht një medium së bashku, ditën dhe kohën kur do të flasim me opinionin maqedonas se çfarë ofroj unë, çfarë ofron VMRO-DPMNE-ja opozitare, dhe çfarë ofron qeveria”, deklaroi Mickoski.
Pika kyçe e propozimit të partisë opozitare, tha ai, janë sasi shtesë të energjisë elektrike të prodhuar në vend, të marra duke përdorur një burim të lirë për ekonominë, në mënyrë që biznesi të zhvillohet dhe punëtorët të mund të mbajnë vendet e tyre të punës, dhe sasi shtesë të ngrohjes, kështu që të munden banorët e Shkupit dhe të gjithë shfrytëzuesit e ngrohjes qendrore në kryeqytert të mos paguajnë fatura më të larta për ngrohje të institucioneve dhe shtëpive të tyre.
Sipas ministrit të Ekonomisë Kreshnik Bekteshi, nëse nënshkruhet një marrëveshje me Serbinë, vendi do të blejë gaz me çmime të paktën tre deri në katër herë më të ulëta se çmimet në bursë. Nëse finalizohet kontrata me gazin e blerë nga Serbia, do të prodhohet energji elektrike, një pjesë e së cilës më pas do t’i shitet Serbisë dhe një pjesë do t’i ofrohet ekonomisë vendase.
Nëse nuk dakordohet për opsionin e gazit dhe nuk sigurohen mjete të mjaftueshme për blerjen e gazit natyror me çmime në bursë, atëherë, sipas këshilltarit qeveritar për energjinë Viktor Andonov, ekziston një variant rezervë, që është puna e mazutit.
“Shpresojmë që nuk do të vijë në atë version përfundimtar. Nëse nuk arrijmë marrëveshje, ngrohtoret do të funksionojnë me naftë dhe do të sigurohen sasitë, për të cilën është biseduar me Greqinë”, deklaroi të mërkurën Andonov.
Në ndërkohë, Këshilli Ekonomik dhe Energjetik ka marrë vendime për fillimin e procedurës për të dhënë licencën për prodhimin e energjisë ngrohëse nga tregu i rregulluar, pastaj shkollat fillore dhe të mesme do të jenë në tregun e rregulluar dhe do të sigurohen të gjitha institucionet publike shëndetësore me energji elektrike përmes shitjeve të EMV-së me çmim më të favorshëm nga ai në bursa.
Nga “Adora inzhenering” dje informuan se janë dakord që, nëse gjendet model për të zgjidhur pretendimet e tyre, të kalojnë në një marrëveshje qiraje afatshkurtër me SHA EMV deri në realizimin e të gjitha kushteve të nevojshme për blerje dhe shitje.
