Shkup, 16 shtator – Në Lagjen “Saat Kullë”, konkretisht në rrugën “Otokar Kershovani”, ekipet komunale vazhdojnë punimet për vendosjen e sistemit të ri të ujësjellësit në gjatësi prej 460 metrash. Ndërkohë që po vazhdojnë edhe me vendosjen e kanalizimit të ujërave atmosferik në gjatësi prej 220 metrash.
Kryetari i komunës së Çairit, Visar Ganiu, sot nga afër ka inspektuar punimet në këtë rrugë, ndërsa ekipet e kanë njoftuar se pas vendosjes së infrastrukturës, do të bëhet edhe asfaltimi.
Ky investim është i Ministrisë së Financave dhe Bankës Botërore, në bashkëpunim me Komunën e Çairit.
https://www.facebook.com/VisarGaniu.Cair/posts/pfbid0G4ohby34H8szQYhqYvP3W2Uqc2SqMvfa5PquyCxxb13dZrwhmyTKZxY6uSkwHER1l
