Presidenti i vendit baltik, Gitanas Nauseda ka deklaruar se Lituania shpreson që çdo trupë amerikane që largohet nga Gjermania do të mbetet në Evropë. Ai tha se Lituania pret më shumë se 1,000 trupa amerikane në territorin e saj dhe është gati të presë më shumë në të ardhmen.
Kujtojmë se disa ditë më parë, mes një mosmarrëveshjeje me Friedrich Merz, Shtëpia e Bardhë kishte njoftuar se SHBA-të do të tërhiqnin afërsisht 5,000 trupa personel ushtarak amerikan nga Gjermania gjatë një viti, pra afërsisht 15% të forcave të pranishme në vend.
Më shumë se 36,000 ushtarë amerikanë në Gjermani
Mediat shkruajnë se më shumë se 36,000 trupa amerikane janë të stacionuara në Gjermani, sipas një numërimi zyrtar të përfunduar në fund të vitit 2025.
“Ne parashikojmë që tërheqja të përfundojë në gjashtë deri në 12 muajt e ardhshëm”, tha zëdhënësi i Departamentit të Mbrojtjes, Sean Parnell.
Njoftimi erdhi pasi Trump tha këtë javë se po shqyrtonte uljen e numrit të trupave amerikane të stacionuara në Gjermani, një aleat i NATO-s, pasi komentet e Merz e zemëruan atë.
