Shkup, 16 shtator – Lidhja Social Demokrate e Maqedonisë, përmes një kumtese për media thonë se arsyeja kryesore pse u zunë Mickoski dhe Arsovska është tenderi me vlerë 136 milion euro për ndërtimin e një stacioni pastrues, informon Zhurnal.
Sipas tyre, Mickoski duhet para qytetarëve të tregojë se cili është roli i tij në këtë tender.
“Pas një viti nga zgjedhjet lokale u tregua fytyra e vërtetë e Mickoskit dhe VMRO-DPMNE-së në Shkup si dhe në në komunat e kryeqytetit.
Në vend që të punojnë për qytetarët, për shkupjanët, për zhvillimin e qytetit, ata u zunë për tenderë dhe provizione.
Të gjitha institucionet kompetente t’i hetojnë dyshimet për krim dhe të pasojnë përgjegjësi, ndërsa kryetarët e komunave të VMRO-DPMNE-së të kapen për punë në interes të qytetarëve, të cilët prej tyre presin zgjidhje dhe zhvillim, e jo zënka dhe përplasje”, thonë nga LSDM./Zhurnal.mk
