Shkup, 15 mars – LSDM nesër do të mbajë zgjedhje të drejtpërdrejta brendapartiake për president, ndërsa kandidati i vetëm është lideri aktual Venko Filipçe.
“Bashkimi Socialdemokrat i Maqedonisë është partia e vetme që e zgjedh Presidentin në zgjedhje të drejtpërdrejta, brendapartiake.
Zgjedhjet do të mbahen në organizatat komunale të LSDM-së në mbarë Republikën në 78 vendvotime, të cilat do të jenë të hapura nga ora 08:00 deri në 20:00 ditën e votimit.
Komisioni Qendror i Zgjedhjeve konfirmoi dhe mbylli Listën zgjedhore, në të cilën janë regjistruar aktivisht 22.717 anëtarë, si dhe ofroi material zgjedhor, kuti votimi, tabela dhe gjithçka që nevojitet për ditën e zgjedhjeve.
“Të gjithë anëtarët e regjistruar aktivisht të LSDM-së do të mund të ushtrojnë të drejtën e tyre për votim të drejtpërdrejtë dhe të fshehtë për të zgjedhur kryetarin e tyre në një vendvotim të përshtatshëm”, njoftoi LSDM.