Gjatë fundjavës (27–28 shtator 2025), Komuna e Kumanovës ishte nikoqire e ngjarjes dyditore sportive – Triatloni Ndërkombëtar i Qytetit (distanca sprint), i cili u realizua me mbështetje teknike nga Federata e Triatlonit të RMV-së.
Ky manifestim sportiv, që u organizua për të pestën herë në vendin tonë, mblodhi sportistë në tri disiplina:
✔️ not – në pishinën e qytetit
✔️ çiklizëm – bulevardi “Revolucioni i Tetorit” dhe rruga “Treta MUB”
✔️ vrapim – shtigjet përreth kompleksit sportiv-rekreativ
Në garë morën pjesë sportistë të të gjitha kategorive – fëmijë, juniorë, seniorë, masters dhe stafeta, në konkurrencë si për meshkuj ashtu edhe për femra. Triatloni kishte karakter ndërkombëtar me pjesëmarrës nga Maqedonia, Serbia, Kosova, Bullgaria, Kroacia dhe SHBA.
Në prani të kryetares dhe anëtarëve të Këshillit Komunal, si dhe përfaqësuesve të administratës komunale, pata nderin të ndaj medalje dhe kupa për sportistët më të suksesshëm.
Sporti është më shumë se garë – është mënyrë jetese dhe vlerë që duhet ta kultivojmë të gjithë, pavarësisht moshës. Si Komunë, do të vazhdojmë të investojmë dhe të mbështesim zhvillimin e sportit dhe shpirtit sportiv në Kumanovë.
👟 Së bashku ndërtojmë një Kumanovë më të shëndetshme dhe më të fortë!
https://www.facebook.com/share/p/1H9rGqkwXC/
