GazetaMax
Lajme

Mariçiq: Maqedonia e Veriut e ka Greqinë si partner dhe mbështetës të fortë në rrugën evropiane

Shkup, 11 janar – Maqedonia e Veriut e ka Greqinë partner dhe mbështetës të fortë në rrugën evropiane, ka shkruar në Fejsbuk zëvendëskryeministri i Qeverisë i obliguar për Çështje Evropiane, Bojan Mariçiq, pas takimit në Athinë me ministrin alternativ të Punëve të Jashtme të Greqisë, Miltiadis Varviciotis.

Mariçiq theksoi se kanë pasur një takim domethënës dhe kuptimplotë dhe kanë diskutuar për tema të rëndësishme për të dyja vendet, si dhe për zhvillimet në rajon.

“Vizita e sotme është edhe një konfirmim i ekzistimit të vullnetit të mirë politik dhe potencialit për bashkëpunim të ndërsjellë në arritjen e qëllimeve të përbashkëta strategjike dhe projekteve të reja infrastrukturore që do të rrisin lëvizshmërinë e qytetarëve tanë, siç është hapja e pikës kufitare Markova Noga që besojmë se do të ketë realizim të suksesshëm dhe hapje të shpejtë dhe efikase”, ka shkruar Mariçiq në Fejsbuk.

Ai shtoi se marrëdhëniet e mira fqinjësore dhe mbështetja nga Greqia “hapin hapësirë ​​për t’u fokusuar dhe biseduar për të ardhmen evropiane dhe integrimin evropian të Maqedonisë”.

Shefi alternativ i diplomacisë greke ka shkruar në Tuiter se “Rruga evropiane e Maqedonisë së Veriut është e lidhur me zbatimin e plotë të Marrëveshjes së Prespës”.

Related posts

Lista e emrave/ Votohet kryesia e ngushtë, këto janë nënkryetarët dhe sekretarët e ri të BDI-së

Gazeta Max

Senatorët amerikanë të shqetësuar me ndikimin kinez në Ballkan

Gazeta Max

Telefonuan policinë në Kaliforni duke menduar se një person kishte ngecur në kanal të ujit të rrëmbyeshëm dhe po mbytej, konstatohet se ishte kukull

Gazeta Max