Në mbledhjen e Komitetit Ekzekutiv të VMRO-DPMNE-së, është konfirmuar zyrtarisht lista fituese e këshilltarëve për Komunën e Gostivarit në zgjedhjet lokale që po afrohen. Bartës i kësaj liste do të jetë Martin Andonovski, një emër që gëzon besimin dhe mbështetjen e strukturave partiake dhe qytetarëve.
Andonovski, i cili e konsideron këtë detyrë si nder dhe përgjegjësi të madhe, theksoi se lista është përbërë nga personalitete të dëshmuara, të ndershme dhe me përkushtim për të mirën e qytetit. “Ne e duam Gostivarin. Ne do t’i mbrojmë me dinjitet interesat e çdo qytetari të komunës sonë,” u shpreh ai.
Ai premtoi:
Punë të palodhshme
Qasje të sinqertë dhe të ndershme
Komunikim të drejtpërdrejtë me qytetarët
Zgjidhje konkrete për problemet reale
“Andaj, jo vetëm që do t’i identifikojmë problemet, por do t’i zgjidhim së bashku. Do të realizojmë projekte që do ta bëjnë Gostivarin një vend më të mirë për të jetuar,” shtoi Andonovski.
Ai falënderoi presidentin e VMRO-DPMNE-së, Hristijan Mickoski, për besimin që i është dhënë për të udhëhequr listën. Një falënderim të veçantë ai ia adresoi edhe kryetarit të Komitetit Lokal të VMRO-DPMNE-së në Gostivar, Goce Dimovski, si dhe të gjitha strukturave partiake – përfshirë Unionin e Rinisë, komitetet lokale dhe aktivistët në terren.
