Leo Messi vitin tjetër mund të luajë në Amerikë.
Messi thuhet se do t’i bashkohet skuadrës MLS Inter Miami kur kontrata e tij të skadojë me Paris Saint-Germain në fund të sezonit.
35 vjeçi, u largua nga Barcelona në vitin 2020 për të nënshkruar një marrëveshje dyvjeçare në ‘Parc des Princes’.
Pas një sezoni të vështirë debutues në futbollin francez, në të cilin ai shënoi vetëm gjashtë gola në Ligue 1, Messi ka rizbuluar formën e tij dhe tani është duke shkëlqyer.
Ai ka shënuar 12 gola dhe 13 asistime në 17 paraqitje për PSG-në këtë sezon në të gjitha garat.
Me argjentinasin tani në vitin e fundit të marrëveshjes së tij me PSG-në, spekulimet vazhdojnë të rriten nëse ai do të zgjedhë të zgjasë qëndrimin e tij në Paris, të kthehet në Barcelonë apo të transferohet diku tjetër.
Duket se opsioni i tretë është më i mundshëm, me Inter Miami thuhet se është në pole position për të nënshkruar yllin argjentinas.
‘The Athletic ‘pretendon se ekskluziviteti i MLS, i cili është në bashkëpronësi nga David Beckham dhe menaxhohet nga Phil Neville, janë gjithnjë e më të sigurt për nënshkrimin e Messit pas diskutimeve me yllin argjentinas gjatë disa viteve.
Messi dhe përfaqësuesit e tij nuk pritet të zhvillojnë më negociata për kontratë deri pas Botërorit të ardhshëm në Katar, i cili do të zhvillohet nga 20 nëntori deri më 18 dhjetor.
Messi pritet t`i bashkohet Inter Miami kur kontrata me PSG i skadon
