GazetaMax
Lajme

Mexhiti-Aggeler: Lufta kundër korrupsionit dhe përparimi drejt integrimit evropian nuk kanë alternativë

Lufta kundër korrupsionit dhe përparimi drejt integrimit evropian nuk kanë alternativë. Ky ishte mesazhi që përcolla sot në një takim të rëndësishëm me ambasadoren e ShBA-së në Maqedoninë e Veriut, Angela Aggeler, një aleate dhe mike e madhe e vendit tonë, shkruan zv. kryeministri Izet Mexhiti në profilin e tij në Facebook.

“Diskutuam gjerësisht për thellimin e partneritetit strategjik mes vendeve tona, mbështetjen e vazhdueshme të ShBA-së për reformat në drejtësi dhe përpjekjet tona të palëkundura në luftën kundër korrupsionit dhe krimit të organizuar.

E ritheksova përkushtimin e Qeverisë për procesin eurointegrues dhe për rëndësinë e bashkëpunimit të ngushtë në kuadër të NATO-s, si garanci për siguri, stabilitet dhe zhvillim.

Biseduam gjithashtu për projektet madhore infrastrukturore, përfshirë ndërtimin e korridoreve 8 dhe 10d, që janë thelbësore për rritjen ekonomike dhe lidhjen e qëndrueshme rajonale”, shkruan Mexhiti.

Mexhiti shton se në takim rikonfirmuam vullnetin tonë të përbashkët për një bashkëpunim të thelluar dhe afatgjatë me Shtetet e Bashkuara.

Related posts

Më 12 janar do të bëhet pagesa e mbështetjes financiare për kategorinë e ndjeshme të qytetarëve

Gazeta Max

“Aq sa kemi në xhep, aq edhe do të hamë”

Gazeta Max

Shekerinska: Në nismat për mbrojtje, BE-ja të përfshijë edhe aleatë të cilët nuk janë anëtare të saj

Gazeta Max