Shkup, 3 nëntor – Buxheti është i predimensionuar dhe nuk korrespondon me gjendjen reale ekonomike në shtet, konsideron kryetari i VMRO-DPMNE-së, Hristian Mickoski pasi që Qeveria dje e miratoi Propozim-buxhretin për vitin 2023.
Sipas liderit opozitar, janë predimensionuar shpenzimet dhe tashmë në vitin e parë, siç tha, Qeveria e shkelë rregullën e deficitit buxhetor, të cilin paraprakisht e miratoi Parlamenti me Ligjin për buxhet, përkatësisht është më i madh prej 3 për qind siç është definuar atje.
“Me atë edhe njëherë e tregojnë karakterin e tyre të rrejshëm. Përdorin dy fjalë të njejta – “rregulla e artë” si vitin e kaluar. Besimi për buxhetin për vitin 2022 “rregullën e artë” e lidhte me investimet kapitale dhe paralajmëroi nivel rekord të tyre, 38 miliardë denarë, të cilat me ribalancin i uli në 32 miliardë denarë, ndërsa gjendja momentale e investimeve kapitale është 14 miliardë denarë… Të njejtën tani e paralajmërojnë për vitin tjetër, me fjalët e njejta, vetëm se tani atë e bën Kovaçevski dhe thotë “rregulla e artë gjatë shpenzimeve kapitale”, dhe paralajmëron jo 32 apo 38 por 49 miliardë denarë. Kjo sërish është një gënjeshtër dhe i njejti manipulim si vitin e kaluar. Qytetarëve duhet qartë de zëshëm t’u thotë se buxheti është i dedikuar kryesisht për vjedhje, sepse ky është viti i fundit i pushtetit të tyre”, tha Mickoski duke u përgjigjur në pyetje të gazetarëve gjatë vizitës në Prilep.
