Shkup, 4 nëntor – Lideri i VMRO-DPMNE-së, Hristijan Mickoski, sot ishte për vizitë në qytetin e Manastirit, ku dha edhe deklaratë për media.
I pyetur si planifikon të sigurojë shumicën e votave për të formuar qeveri, ai u përgjigj se plani është me 61 deputetë, ndërsa për atë nëse do të koalicionojë me BDI-në, ai tha se VMRO koalicionon me cilëndo parti por në kabinetin e tij nuk do të jenë persona të cilët kanë afera korruptive.
“Nëse VMRO-DPMNE do të koalicionojë apo jo me BDI-në, apo me cilëndo parti tjetër politike, do të shohim. Ambicja jonë në pjesën e bllokut shqiptar është opozita shqiptare, por ka rregull të badenterit dhe duhet ta respektojmë. Nëse kemi koalicion me BDI-në, gjithsesi ato njerëz për të cilët kemi dyshime, nuk do të jenë pjesë e kabinetit tim. Gjithnjë BDI e sulmojnë VMRO-DPMNE-në se paska qenë në koalicion me “Të Majtën”. PSe? Sepse në sytë e votuesve maqedonas, Të Majtën ta bëjnë viktimë se po i sulmojnë kriminelët e BDI-së, e t’i japin goditje nga e djathta VMRO-DPMNE-së. Ja pyetni Të Majtën se me kë janë në koalicion në Shkup, Manastir, Aerodrom, Gjorçe Petrov.. Ja ju ftoj t’i pyetni. Qëllimi ynë është ta rrënojmë këtë Qeveri”, tha Mickoski./Zhurnal.mk
