Kryeministri dhe lideri i VMRO-DPMNE-së, Hristijan Mickoski, zhvilloi sot një vizitë në komunën e Bërvenicës, ku u takua me banorët lokalë.
Gjatë takimit, Mickoski theksoi se mesazhi i këtyre zgjedhjeve është i qartë: qytetarët duhet të votojnë për fitore dhe përparim, jo për përçarje. Ai u bëri thirrje të gjithëve të mbështesin projektet konkrete, zhvillimin dhe bashkimin, duke lënë pas politikat e vjetra dhe konfliktet e së kaluarës.
“Është koha që Maqedonia të ecë përpara, të vendosim fund politikave të shekullit të kaluar dhe të ndërtojmë një të ardhme të re. Më 2 nëntor do të fitojë arsyeja, puna dhe vullneti i popullit,” theksoi Mickoski.
Ai shprehu bindjen se kandidati i VMRO-DPMNE-së për komunën e Bërvenicës, Jovica Ilievski, do të dalë fitues në zgjedhjet e ardhshme lokale.
“Do të fitojë Jovica Ilievski, do të fitojë VMRO-DPMNE, do të fitojë Maqedonia e re, e bashkuar dhe e suksesshme,” përfundoi Mickoski.
https://www.facebook.com/share/p/17T6ckTp4f/