Shkup, 10 shkurt – Kryetari i VMRO-DPMNE-së, Hristijan Mickoski, sot realizoi takim me u.d. ambasadorin e Republikës Federale të Gjermanisë në Republikën e Maqedonisë, Oto Graf. Në takim u diskutua për situatën aktuale politike dhe ekonomike të vendit dhe proceset evropiane të vendit, njoftoi shërbimi për shtyp i partisë.
Mickoski theksoi se mohimi i vazhdueshëm nga ana e Bullgarisë ndikon në marrëdhëniet bilaterale ndërmjet vendeve fqinje, duke shtuar se interesi dhe prioriteti strategjik i partisë është që sa më shpejt të fillojë dhe të anëtarësohet në Bashkimin Evropian, por pa shantazhe nën diktat bullgar.
“Mickoski tha se qeveria e LSDM-së dhe BDI-së ka dështuar plotësisht në ekonominë e Maqedonisë, ndërsa si rezultat i kësaj po rritet varfëria dhe standardi i ulët i qytetarëve, duke theksuar se nevojiten ndryshime dhe mbajtje të zgjedhjeve të parakohshme parlamentare. Ai theksoi se vendi nuk merret me krimin dhe korrupsionin që vjen pikërisht nga funksionarët e lartë për të cilët tashmë ka disa procese gjyqësore por nuk ka zgjidhje ligjore, thuhet në kumtesën e VMRO-DPMNE-së.
Mickoski u falënderua për mbështetjen nga Republika Federale e Gjermanisë dhe tha se për të mirën e shtetit dhe të qytetarëve është mirë që takimet dhe bashkëpunimi mes dy vendeve të intensifikohen dhe përparohen.
