Sytë te Club Brugge edhe një herë. Skuadra belge arriti të impresionojë të gjithë, duke kaluar fazën e grupeve dhe duke u kualifikuar në 1/16 e Champions League edhe pse shiti nje element baze si De Ketelaere, pikerisht i transferuar te skuadra kuqezi.Pas largimit të Charles De Ketelaere, i cili zbarkoi në Milano për 32 milionë euro plus 3 bonuse, Brugge mbeti konkurrues, duke shfaqur lojtarë të tjerë të rinj. Politika e ekipit nuk ka ndryshuar qartë. Tjetri që ka të ngjarë të shitet do të jetë Noa Lang.
Holandezi ka qenë në fletoren e Djallit për disa kohë, por zgjedhje të tjera u bënë në verë. Objektivi i Maldinit & Co, megjithatë, tani duket se është një tjetër. Gazzetta dello Sport këtë mëngjes sugjeron se kuqezinjtë mund të jenë të interesuar për Antonio Nusa.
Është një futbollist i lindur në vitin 2005, i cili quhet ‘Neymar i Norvegjisë’. Një nofkë vërtet sfiduese për një futbollist që po hedh hapat e parë mes të mëdhenjve. Në Ligën e Kampionëve, për shembull, 17-vjeçari bëri tre paraqitje për 38 minuta gjithsej, madje arriti të shënonte edhe kundër Portos.
Në planet e Brugge nuk është që të shesë menjëherë futbollistin shumë të ri, por ta bëjë atë të rritet. Kontrata skadon më 30 qershor 2025 dhe për këtë arsye ka kohë për të parë rritjen e çmimit të tij. Kush e di nëse Milani vendos të lëvizë paraprakisht…
Duke e blerë atë dhe duke e lënë lojtarin në Belgjikë për të paktën një vit. Rreziku, për kuqezinjtë, si për të gjithë italianët, është se pritja më pas bëhet shumë vonë, me kosto të paarritshme dhe me konkurrence te madhe.
Milan, befasi në sulm: ‘Neymar i Norvegjisë’ në fletoren e Maldinit! Plani i drejtuesit
