AC Milan, është lidhur edhe një herë me një lëvizje për sulmuesin e Benfica-s, Darwin Nunez, por një numër i madh klubesh evropiane gjithashtu e duan atë.
Sipas A Bola në Portugali, ‘gjysma e Evropës’ është e çmendur për nënshkrimin e Nunez-it duke pasur parasysh bëmat e tij si brenda vendit, por edhe në Ligën e Kampionëve, përcjell ORAinfo.
Benfica nuk ka dashur të zbulojë se cilat skuadra kanë dërguar skautët e tyre për ta parë atë të shënonte kundër Liverpool-it, por agjenti i tij tani ka zbuluar listën e klubeve që i kanë kërkuar informacion.
Atlético de Madrid, Barcelona, Bayern, Milan, Manchester United, Manchester City, Tottenham dhe Arsenal janë disa nga klubet që ndjekin nga afër ish-sulmuesin e Almerias.
Agjenti i tij zbuloi gjithashtu se nuk kishte vetëm kërkesa për informacion mbi pagën e tij dhe koston e mundshme të tarifës së transferimit, por edhe diskutime më të thelluara si pyetje teknike për sulmuesin, mënyrën e tij të lojës, pozicionin e tij të favorizuar dhe më shumë.
Nunez ka një klauzolë lirimi prej 150 milionë eurosh dhe një kontratë deri në vitin 2025./ORAinfo/
