Shkup, 16 Shtator – Ministri i Vetëqeverisjes Lokale dhe lideri i PLD-së, Goran Milevski, planifikon të tërhiqet nga detyrat e tij, ndërsa sipas informacioneve ai po mendon edhe për tërheqje të plotë nga politika.
Siç mësohet jozyrtarisht, ai fillimisht do të largohet nga posti ministror, ndërsa postin e partisë do ta mbajë deri në kongresin e radhës të rregullt, i cili duhet të mbahet deri në fund të vitit.
Kandidatja më serioze për kryetar të LDP është nënkryetarja Monika Zajkova, e cila është njëra nga dy deputetët së bashku me Bobi Mojsoski.
Edhe pse Milevski dhe deputetët Zajkova dhe Mojsoski kishin qëndrim të ndryshëm për të ashtuquajturin propozim francez, burime partiake thonë se diskutimet për kalimin e pushtetit në parti po zhvillohen në një atmosferë konstruktive, pa tensione dhe konflikte.
Sa i përket ministrit të ri të vetëqeverisjes lokale, theksojnë se në garën më të ngushtë janë dy kandidatë, mes tyre ish-kryetari i partisë dhe kryetari i Shkupit, Risto Penov.
Për momentin, PLD-ja refuzon të komentojë lidhur me këto lajme duke theksuar se partia po funksionon pa probleme dhe se do ta informojë publikun me kohë për të gjitha hapat.
