GazetaMax
Sport

Mitoma kërkohet nga gjiganti evropian, Brajtoni kërkon 50 mln euro

Bajern Munihu ka filluar lëvizjet konkrete për të transferuar Kaoru Mitoma nga Brajtoni në afatin kalimtar të verës. Sipas gazetarit Florian Pletenberg, drejtuesi sportiv Maks Eberl dhe Kristof Frojnd do të zhvillojnë një takim me agjentët e Mitomës për të diskutuar mundësinë e transferimit.

Mitoma, 28-vjeç, ka treguar gatishmëri për një hap të ri në karrierë, derisa ai shihet si zëvendësues potencial për Kingsli Komanit ose Liroj Sane, të cilët mund të largohen nga klubi gjatë verës. Bajerni është njoftuar se çmimi i lojtarit mund të arrijë rreth 50 milionë euro, një shumë që Brajtoni mund ta pranojë, pavarësisht se dëshiron ta mbajë futbollistin, i cili ka kontratë deri në vitin 2027.

Negociatat janë ende në një fazë fillestare dhe nuk është bërë ndonjë ofertë zyrtare. Megjithatë, Bajerni nuk është duke humbur kohë dhe po vlerëson të gjitha opsionet.

Në rast se transferimi i Mitomës dështon, Bajerni ka edhe një plan B. Klubi është në kontakt me agjentin Horhe Mendes për të diskutuar mundësinë e afrimit të Rafael Leao-s nga Milani.

Related posts

Janevska: Optimizimi i rrjetit të shkollave çon në mësimdhënie me cilësore dhe kursim të mjeteve të cilat kthehen në arsim

Gazeta Max

Janë paguar 139.965.962,00 denarë për 3.420 persona, Mbështetje financiare për prodhimin dhe shitjen e grurit të realizuar

Gazeta Max

Mexhiti: Rusino do të bëhet deponi moderne sanitare për gjithë pollogun

Gazeta Max