Montana është bërë shteti i parë amerikan që e ka ndaluar aplikacionin kinez të videove të shkurtra, TikTok. Guvernatori i Montanas, Greg Gianforte, e ka nënshkruar dokumentin të mërkurën.
Vendimi i ri ua ndalon kompanive ofrimin e këtij aplikacioni nga 1 janari i vitit të ardhshëm, si dhe e parandalon TikTok-un nga operimi si biznes në shtet.
Për secilën ditë që kjo platformë do të jetë e qasshme, pas fuqizimit të ligjit, ofruesit e aplikacionit do të duhet të paguajnë gjobë prej 10.000 dollarëve. Përdoruesit nuk do të gjobiten dhe ata që e kanë përdorur aplikacionin në të kaluarën nuk do të preken nga vendimi.
