Shkup, 18 tetor – Moti sot do të jetë me diell dhe relativisht i ngrohtë me erë të dobët nga drejtimi verior. Paradite në disa lugina do të ketë kushte për paraqitje të mjegullës së dobët, njoftojnë nga DPHM-ja.
Temperatura minimale do të jetë në intervalin prej -3 deri në 7 gradë Celsius, ndërsa temperatura maksimale do të arrijë nga 18 deri në 24 gradë Celsius.
Në Shkup, mot me diell dhe relativisht ngrohtë, në disa pjesë të luginave do të jetë me mjegull të lehtë gjatë mëngjesit. Temperatura minimale do të zbresë deri në 2 gradë Celsius, ndërsa temperatura maksimale do të arrijë deri në 20 gradë Celsius.
Deri të mërkurën mëngjeset do të jenë të ftohta, ndërsa temperaturat do të zbresin nën zero dhe në disa zona do të ketë kushte për shfaqjen e mjegullës së dobët. Gjatë ditës do të mbajë mot me diell dhe relativisht i ngrohtë. Të enjten do të fryjë erë e fortë nga drejtimi verior, sidomos përgjatë lumit Vardar, e cila do të bëjë që temperatura në dy ditët në vijim të ulet për disa gradë Celsius.
