Sot ka nisur zyrtarisht mandati i Muhamet Hoxhës si Ministër i Mjedisit Jetësor dhe Planifikimit Hapësinor. Ky emërim përfaqëson një përgjegjësi të lartë institucionale dhe një obligim të qartë për të shërbyer me profesionalizëm, integritet dhe përkushtim në interes të qytetarëve dhe të shtetit.
Ministri Hoxha theksoi se mbrojtja e ambientit jetësor është një çështje strategjike, e lidhur drejtpërdrejt me shëndetin publik, zhvillimin e qëndrueshëm dhe përmirësimin e cilësisë së jetës. Në këtë drejtim, prioritetet e tij do të jenë forcimi i politikave mjedisore, zbatimi rigoroz i ligjit dhe rritja e përgjegjshmërisë institucionale.
“Besimi i dhënë do të justifikohet me punë konkrete, vendimmarrje të bazuar në ligj dhe rezultate të matshme”, u shpreh ministri Hoxha, duke falënderuar për mbështetjen dhe besimin e treguar.
Me një qasje serioze dhe vizion afatgjatë, Ministria e Mjedisit Jetësor dhe Planifikimit Hapësinor pritet të luajë rol kyç në përballjen me sfidat mjedisore dhe në ndërtimin e politikave të qëndrueshme për të ardhmen.
https://www.facebook.com/share/p/1PF2ZvNFDb/