Liga më e fortë e basketbollit në botë, NBA pritet të bëhet edhe më dinamike.
Gazetari Adrian Wojnarowski ka paralajmëruar se NBA do të aplikojë një rregull të ri për sezonin e ardhshëm.
Ky rregull ka të bëjë me gabimet personale (faullet) që shkaktohen në momentin e kundër-sulmit.
Secili faull që bëhet qëllimshëm për të ndërprerë një kundër-zbritje, do të penalizohet me gjuajtje të lirë plus posedim topi që nis nga anësorja.
Deri më tani, këto faulle janë gjykuar si faulle të thjeshta dhe nëse skuadra nuk ka qenë në bonus, skuadra e fauluar ka nisur lojën nga anësorja.
Rregulli i ri do të bëjë që skuadrat të kursehen në këto faulle dhe njëkohësisht të lënë lojë më dinamike e më të shpejtë.
NBA me rregull të ri nga sezoni i ardhshëm
