Shkup, 13 Dhjetor – Kisha kënaqësi që sot të qëndroj në Klinikën e Kirurgjisë Digjestive, së bashku me ekipin që e realizoi me sukses transplantimin e parë të mëlçisë nga donatori i vdekur në vend. Ky është një hap historik për shëndetësinë në Maqedoni, me të cilin ne u cilësuam ndër sistemet më të mira shëndetësore që kryejnë me sukses transplantim të mëlçisë, ka theksuar kështu ministri Sali.
Urime ekipit që e kreu këtë ndërhyrje kirurgjikale komplekse. Falë kontributit të lartë profesional të gjithë ekipit, pacienti 60-vjeçar sot po shkon në shtëpi në gjendje të mirë shëndetësore .
E falënderoj veçanërisht familjen e donatorit për humanizmin dhe solidaritetin e jashtëzakonshëm, të shfaqur në momentet më të vështira për ta, kur vendosën të dhurojnë një jetë të re.
https://www.facebook.com/photo/?fbid=195733779644132&set=pcb.195734372977406
Ndryshe, pak ditë më parë, në Klinikën e Kirurgjisë Digjestive ministri Sali vizitoi pacientin 60-vjeçar, i cili iu nënshtrua transplantit të parë të mëlçisë nga donatori i vdekur. Sot është dita e tretë pas intervenimit dhe ai është në gjendje të mirë stabile postoperative. Unë dua përsëri të shpreh falënderimet e mia të mëdha për gjithë ekipin e transplantit
Kryerja e operacionit për heqjen e mëlçisë së zezë nga donatori është kryer nga ekipi kirurgjik nën drejtimin e prof. dr. Zoran Karaxhovit dhe ass. dr. Qemal Rushitit, ndërsa transplanti u krye nga ekipi kirurgjik nën drejtimin e prof. dr. Svetozar Antoviqit dhe ass. dr. Lubomir Ognenoviqit.
Përgatitja dhe koordinimi i përgjithshëm është bërë nga koordinatorët e Klinikës së Gastroenterohepatologjisë, doc. dr. Beti Todorovska dhe bashkëpunëtorja shkencore Elena Curakova Ristevska, si dhe koordinatorja nacionale e transplantit, doc. dr. Maja Mojsova, anastezionin e udhëhoqi dr.Tanja Spirovska me ekipin e saj të anansteziologëve.
Në këtë proces u përfshinë edhe kolegë nga klinikat e Neurokirurgjisë, Nefrologjisë, Kardiologjisë, Kardiokirurgjisë, Transfuzionologjisë, Anestezionit dhe Mjekimit Intensiv për suksesin e jashtëzakonshëm, me të cilin kemi shkruar një faqe të re në shëndetësinë e Maqedonisë.
Falënderim i veçantë edhe për familjen e donatorit, të cilët edhe në momentet më të vështira të tyre patën forcë, guxim dhe kurajë me vendimin e tyre për të shpëtuar jetë njerëzore.
