Shkup, 7 shkurt – Kryetari i Komisionit Rregullator për Energjetikë dhe Shërbime të Ujit (KRRE), Marko Bislimoski, nuk pret që në vend të ketë mungesë të naftës dhe derivateve të naftës pas vendimit të Bashkimit Evropian për ndalimin e importit të naftës ruse, se do të ketë implikime serioze në çmimin e naftës në periudhën e ardhshme.
“Masa e miratuar nga Bashkimi Evropian të dielën ka të bëjë me naftën, vajin ekstra të lehtë, mazutin dhe vajgurin, por nuk mund të ndikojë në vend sepse nuk kemi importuar naftë ruse në vitet e kaluara”, tha kryetari i KRRE-së, Bislimoski, në profilin e tij në Fejsbuk.
Siç thekson ai, pjesa më e madhe e derivateve të gatshme të naftës, pra rreth 90 për qind, blihen nga Greqia, ku nafta ruse ka shumë pak ndikim.
“Në nivel të BE-së, nevojat për sigurimin e naftës ruse ishin rreth 15 për qind ose rreth 720-730 dollarë për ton. Tani Unioni do të bëjë një blerje të centralizuar për të ulur shpenzimet e transportit dhe tashmë ka lidhur marrëveshje për blerjen e naftës në masë më të madhe me Kuvajtin”, sqaron Bislimoski.
Në dhjetë ditët e ardhshme ai thotë se do të monitorojmë se çfarë do të ndodhë në bursa dhe nëse do të ketë rritje të kostove të transportit për kompanitë, por nuk pret implikime serioze për çmimin e naftës në periudhën e ardhshme.
“Pas ditës së djeshme, kur filloi të aplikohet masa, ka pasur ulje të çmimit të naftës në Bursën Mesdhetare”, saktëson Bislimoski në postimin në Fejsbuk.
