Michael Owen e ka përshkruar lojtarin e Liverpoolit, Virgil van Dijk si mbrojtësin më të mirë të të gjitha kohërave – ndërsa qëndron pranë legjendës së Manchester United, Rio Ferdinand.
Shumë e konsiderojnë anglezin si një nga mbrojtësit më të mëdhenj në këtë lojë, me legjendën e Djajve të Kuq që e fitoi Ligën Premier gjashtë herë.
Në krahasim, Van Dijk e ka ngritur trofeun e ligës vetëm një herë, por konsiderohet gjerësisht si një nga qendërmbrojtësit më të mirë që ka luajtur në ligën angleze.
Owen po fliste përpara ndeshjes së dytë gjysmëfinale të Ligës së Kampionëve të Liverpoolit kundër Villarrealit.
Holandezi ishte kapiten i Reds në mungesë të Jordan Henderson – një dëshmi se sa shumë trajneri i Liverpoolit, Jurgen Klopp i beson mbrojtësit të tij në skenat më të mëdha.
Ish-sulmuesi i Liverpoolit ishte pjesë e panelit para ndeshjes të BT Sport kur u pyet se pse mendonte se Van Dijk kishte avantazhin ndaj Ferdinandit. Ish-mbrojtësi i United ishte gjithashtu në studio në ekspertizë të ndeshjes.
“Unë do të shkoja më tej dhe do të thosha se ai është mbrojtësi më i mirë i të gjitha kohërave. Ai ndoshta shënoi edhe disa gola të tjerë, nuk po flasim shumë sepse po flasim për më të mëdhenjtë këtu”, pohoi Owen. “Rio ishte qendërmbrojtësi më i mirë me të cilin kisha luajtur ndonjëherë. Van Dijk, në pozicion tim e shikoj dhe mendoj ‘çfarë të bëj kundër tij?’. Ai është më i madh, më i shpejtë, më i fortë se të gjithë, ai është i shkëlqyer me topin, shënon gola, nuk kam parë kurrë diçka të tillë”.
“E mbaj mend Rion, Maldinin, Baresin, por Van Dijk është nivel tjetër. Nuk mbahet mend ndonjëherë të ketë patur një lider të tillë në mbrojtje. Është i pagabueshëm dhe i pakalueshëm” ka thënë Owen.
Gjatë gjithë kohës, Ferdinand po dëgjonte përpara se të pyetej se si ndihej duke u parë si një mbrojtës më i vogël se Van Dijk në sytë e një ish-shoku të skuadrës për klubin dhe vendin.
“U ndjeva i lumtur vetëm që isha në bisedë!”, pranoi ish-ylli i United. “Ju luani futboll për t’u konsideruar nga shokët tuaj profesionistë si një nga lojtarët më të mirë dhe nëse ata thonë se keni bërë mirë në karrierën tuaj. Dëgjoni, Virgil van Dijk është qendërmbrojtësi më i mirë në planet për momentin. E thjeshtë”, ka potencuar Rio.
