Djelmoshat e Kombëtares së Kosovës në Futboll do të zbresin sonte në fushën e stadiumit “Fadil Vokrri”, ku do të ndeshen me Suedinë, një fuqi e respektuar në futboll.
“Dardanët” do të hynë në këtë takim në kërkim të një ringjalljeje ndaj Suedisë, pas humbjes me rezultat të thellë 4-0 nga Zvicra, e udhëhequr nga Granit Xhaka, futbollist me etni shqiptare.
Kësaj radhe, “Dardanët” do të kenë edhe përkrahjen masive të tifozëve në “Fadil Vokrri”, që mund të jetë një shtytje më shumë për paraqitje të mirë.
Sjellim ndërmend që ndeshja do të fillojë në ora 20:45.
