Sofje, 1 tetor – Kriza energjetike aktuale dhe rrjedha e procesit të skriningut, si fazë e rëndësishme në negociatat inkuadruese për anëtarësimin e vendit në Bashkimin Evropian, ishin temat kryesore të takimit të sotëm të shefit të shtetit, Stevo Pendarovski me kryetaren e Komisionit Evropian, Ursula fon der Lajen në Sofje.
Siç kumtoi Kabineti i shefit të shtetit, presidenti Pendarovski shfaqi pritshmëri për ndihmë nga Komisioni Evropian në kontekst të solidaritetit evropian në përballjen me krizën energjetike.
Lidhur me negociatat inkuadruese për anëtarësim, Pendarovski potencoi se vendi është i gatshëm t’i bëjë reformat e nevojshme në fushat kyçe, si pjesë e procesit për inkuadrim drejt BE-së.
Pendarovski dhe Fon der Lajen sot në Sofje marrin pjesë në ceremoninë me rastin e fillimit të punës komerciale të interkonektuesit të gazit Greqi – Bullgari (IGB).
