Përdoruesit e iPhone së shpejti mund të jenë në gjendje të shikojnë video direkt në ekranin multimedial të veturës së tyre falë përditësimit të ardhshëm të iOS 26, por me disa kufizime.
Në përditësimin më të fundit të zhvilluesve të iOS 26, Apple njoftoi mbështetje për videon AirPlay brenda sistemit CarPlay.
Funksioni i ri do t’u lejojë aplikacioneve të integrojnë mundësinë e shikimit të përmbajtjes video nga iPhone direkt në ekranin e automjetit.
Megjithatë, për arsye sigurie, luajtja do të lejohet vetëm ndërsa vetura është e parkuar.
Nëse iPhone zbulon lëvizje, videoja do të ndalet automatikisht.
