Shkup, 9 nëntor – Alarme të reja për bomba të vendosura sot ka në katër shkolla në Shkup. Sipas informacioneve të MIA-s, njëra prej shkollave është edhe gjimnazi “Josip Broz Tito”.
Nga Ministria e Punëve të Brendshme informuan se janë ndërmarrë masa për evakuimin e sigurt të shkollave dhe në vijim janë kontrollet kundër terrorizmit.
“Sot (09.11.2022) rreth orës 09:30 minuta në SPB Shkup është denoncuar se në adresa elektronike në dy shkolla të mesme në qytetin e Shkupit është drejtuar kërcënim për mjet eksploziv të vendosur. Rreth orës 10:00 i njëjti denoncim është drejtuar edhe ndaj dy shkollave tjera. Menjëherë pas denoncimeve të marrura, nga ana e nëpunësve policorë janë ndërmarrë masa për evakuim të sigurt në të gjitha katër shkollat.
Për momentin në realizim janë kontrollime antiterroristike dhe po ndërmerren masa për zbardhjen e rastit”, thuhet në njoftimin e policisë./Zhurnal.mk
