Shkup, 19 shtator – Profesor Nikolla Popovski dhe ish-ministri i Financave thonë se në kushte të inflacionit të lartë, banka jonë qendrore, si dhe bankat tjera qendrore, merr masa të arsyeshme për zbutjen e presioneve inflacioniste, ndërsa pret se në periudhën e ardhshme gradualisht do të stabilizohet inflacioni.
Ajo në intervistë për RTVM-në thekson se këto masa do të ndikojnë pozitivisht edhe në kursimet e brendshme.
E thekson edhe rëndësinë e masës së Bankës Popullore për mbështetjen e kompanive për investime në burimet e rinovueshme të energjisë, përmes normave më të ulëta të interesit për këto kredi.
“Bankat popullore, bankat qendrore, gjithkund në botë, si dhe Banka jonë Popullore, marrin masa sa më shumë për të kontrolluar inflacionin. Nëse jo për ta zvogëluar atë, atëherë të paktën për të parandaluar rritjen e mëtejshme. Për këto arsye, në disa raste norma bazë e bonove të thesarit, pra norma e referencës është rritur, duke arritur në tre për qind. Ajo ende nuk është e larët”, thotë profesor Popovski.
Lidhur me dinamikën e mëtutjeshme të inflacionit, Popovski pret nga marsi i vitit të ardhshëm zvogëlohet, përkatësisht të stagnojë
“Lajmi i mirë është se niveli i rritjes së inflacionit po ngadalësohet nga disa për qind në muaj, tani zvogëlohet në 2, më pas në 1 për qind në muaj, me tendencë, ndoshta gjatë dimrit edhe pak të mbahet për shkak të luftës dhe furnizimit me energji dhe tashmë nga viti i ardhshëm (mars, prill, kur filloi të rritet niveli i çmimeve), të ulet, gjegjësisht të stagnojë”, thotë Popovski.
