Shkup, 20 tetor – Ministria e Drejtësisë, Ministria e Punëve të Brendshme, MPPS, Delegacioni i Bashkimit Evropian dhe Fondi i Kombeve të Bashkuara për Fëmijë sot mbajtën konferencën me titull “Për çdo fëmijë drejtësi”, me synim rishikimin e reformave që lidhen me të drejtat e fëmijëve në vend.
Ministri i Drejtësisë Nikolla Tupançevski theksoi se ngjarjet e tilla janë të rendësishme sepse në këtë mënyrë afirmohen – rikonfirmohen të drejtat e fëmijëve dhe ajo që është e përfshirë në korpusin e interesit më të mirë për fëmijën.
Sipas ministres së Punës dhe Politikës Sociale, Jovanka Trençevska, çështja e drejtësisë për fëmijë është çështje e qasjes shumësektoriale.
Procesi i riintegrimit dhe risocializimit, tha ajo, është një proces i rëndësishëm dhe se në bashkëpunim me BE-në dhe UNICEF-in është bërë përmirësimi dhe avancimi i rregullimit ligjor.
“Kemi dokumente strategjike, strategjinë për drejtësinë për fëmijë, e cila parasheh aktivitete dhe masa që ne si institucione duhet t’i realizojmë në periudhën e ardhshme”, sqaroi Trençevska.
Prej UNICEF porositen se përpjekjet duhet të jenë në drejtim që të bëhet i gjithë sistemi, i cili duhet të jetë shumë më korrekt dhe t’i përgjigjet nevojave për mbrojtjen e të drejtave të fëmijëve.
Ngjarja përfundoi me një forum teatror kushtuar ndërgjegjësimit për dhunën e bashkëmoshatarëve, dhe shfaqën fëmijët dhe të rinjtë që punuan në iniciativa për të përmirësuar qasjen në drejtësi për fëmijët.
