Shkup, 8 shtator – Kryqi i mileniumit në maje të malit Vodno, edhe pse është krizë energjetike, edhe më tej vazhdon të ndriçojë. Kryetarja e Shkupit Danella Arsovska, para tre jave tha se Qyteti i Shkupit do të ndërmer masa për kursim të energjisë, por në këto masa si duket nuk hyn fikja e dritave të kryqit në Vodno, transmeton Zhurnal.
Nga Qyteti i Shkupit nuk përgjigjen pse kryqi i mileniumit ende ndriçon dhe a planifikojnë ti fikin dritat si pjesë e masave kur përballemi me mungesë të rrymës dhe rrymë të shtrenjtë.
Për dallim nga kryqi në Vodno, kryqi gjigand në komunën e Aerodromit në afërsi të Cevahir Holding, dritat e tij janë fikur si masë nga komuna e Aerodromit për kursim të rrymës. Kryetari i kësaj komune Timço Mucunski thotë se nga 1 shtatori në kryq do të bëjnë dritë vetëm tre drita për arsye sigurie.
Ndryshe Arsovska paralajmëroi se nuk e ka plan fare të fikë dritat nëpër bulevaret kryesore të qytetit./Zhurnal.mk
