Shkup, 12 janar – Kryetarja e qytetit të Shkupit, Danella Arsovska, në konferencën e sotme për shtyp deklaroi se në periudhën e kaluar janë zbatuar matje të ajrit të ambientit në fabrikën e çimentos TITAN USJE dhe se janë konfirmuar përqendrime të mëdha të grimcave të dëmshme që ndotin ajrin. Ajo tha se ka marrë iniciativë për fillimin e procedurës penale.
“Më askush nuk do të tolerohet. Shëndeti i të gjithë neve që jetojmë këtu nuk duhet të varet nga fitimet e disave. Bëhet fjalë për fabrikën e çimentos USJE nga ku gjatë matjeve të ajrit të ambientit në fabrikë janë konstatuar përqendrime të mëdha të grimcave të dëmshme, të cilat kontribuojnë dukshëm në përkeqësimin e cilësisë së ajrit të ambientit në të gjithë rajonin e qytetit të Shkupit”, theksoi Arsovska.
