GazetaMax
Lajme

Reagon BDI – Tetovë: Kryetari i komunës dhe NPK Tetova po braktisin punëtorët – Kush mban përgjegjësi?

Punëtorët e Ndërmarrjes Publike Komunale (NPK) Tetova kanë tre muaj pa paga dhe 14 muaj pa sigurim shëndetësor. Kjo nuk është thjesht papërgjegjësi – është një skandal që tregon dështimin e plotë të menaxhimit komunal dhe neglizhencën e kryetarit të Komunës së Tetovës, Bilall Kasami.

Si është e mundur që një ndërmarrje publike të zhytet në kaos financiar, ndërkohë që qytetarët paguajnë taksa dhe tarifat për shërbimet komunale? Ku janë paratë e destinuara për pagat e punëtorëve? Kush është përgjegjës për këtë katastrofë sociale?

Kryetari Bilall Kasami dhe administrata e tij nuk mund të fshihen pas justifikimeve boshe. Kjo situatë është pasojë e një keqmenaxhimi të vazhdueshëm dhe një mungese totale të llogaridhënies. Në vend që të zgjidhin krizën, ata kanë lënë punëtorët dhe familjet e tyre në mëshirë të fatit.

Kërkojmë përgjegjësi!

Kërkojmë transparencë!

Punëtorët nuk mund të trajtohen si skllevër, dhe qytetarët e Tetovës nuk mund të mbeten peng i paaftësisë dhe papërgjegjësisë institucionale. Nëse kryetari i Komunës nuk është në gjendje të sigurojë pagat dhe të drejtat bazë të punëtorëve, atëherë është koha të pranojë dështimin dhe të marrë pasojat!

Related posts

Lirohet benzina, shtrenjtohet dizeli

Gazeta Max

Murtaja afrikane e derrave jashtë kontrollit në Kroaci

Gazeta Max

MSH: Është përgatitur plan për racionalizimin e shpenzimeve në institucionet shëndetësore

Gazeta Max