GazetaMax
Lajme

Rriten tensionet në Serbi/ Makina përplaset me protestuesit në Beograd, 3 të plagosur

Situata është tensionuar në Bulevardin ‘Mbreti Aleksandar’, afër parlamentit të Serbisë, ku turma të mëdha njerëzish janë mbledhur për të vijuar protestat që kanë përfshirë vendin muajt e fundit. Tre persona u plagosën të shtunën në mëngjes kur një makinë u përplas me protestuesit. Sipas Ministrisë së Brendshme të Serbisë, policia arrestoi shoferin 50-vjeçar i cili dyshohet se i bëri rezistencë arrestimit.

“Personat që u goditën në zonën e Belë Vodës ishin dy gra dhe një i ri , të cilët janë kontrolluar në urgjencë. Pas diagnostikimit të plotë janë konstatuar lëndime të lehta trupore”. njoftoi zyra e shtypit e ministrisë, duke theksuar se po vijon bashkëpunimi me prokurorinë për zbardhjen e rrethanave të aksidentit.

Dhjetëra mijëra njerëz janë mbledhur duke mbajtur flamuj të fakulteteve nëpër duar, flamuj të Serbisë, dhe simbole. Studentët dhe qytetarët që protestojnë, ndër të tjera, kërkojnë përgjegjësi penale dhe politike për vdekjen e 15 njerëzve nga shembja e një strehe në stacionin hekurudhor të Novi Sadit më 1 nëntor 2024.

Related posts

Kapet në flagrancë një hajdut në Kumanovë

Gazeta Max

Stojanoski: Më e pakta që mund të bëjë ekipi ekonomik i qeverisë është dorëheqja

Gazeta Max

Pendarovski: Pyetja e Levicës për referendum është konfuze dhe e paqartë për qytetarët

Gazeta Max