Komediani britanik, Russel Brand, është akuzuar për përdhunim, sulm të pahijshëm dhe sulm seksual, në periudhën 1999-2005.
Akuzat lidhen në raste me katër gra.
Brand është intervistuar në disa rate nga policia që kur u publikuan hulumtimet në media që tregonin pretendimet serioze ndaj tij.
49-vjeçari i pati quajtur pretendimet “shumë, shumë lënduese”, duke shtuar se raportet e tij gjithmonë kanë qenë në pajtim me palën tjetër.
Në një deklaratë të shkurtër, Policia në Britani të Madhe ka bërë të ditur se e ka njoftuar Brandin se për çka po akuzohet. Bëhet fjalë për përdhunime, sjellje të pahijshme e sulme seksuale që kanë ndodhur në vitet 1999, 2001, 2004 dhe 2005.
Brand duhet të paraqitet në gjykatë më 2 maj. Ai besohet se është në Shtetet e Bashkuara të Amerikës.
Brand u bë i famshëm fillimisht si komedian me paraqitjet stand-up, ndërsa më pas u kthye në yll televiziv me prezantimin e një serie të reality-shows. Ka udhëhequr edhe ceremonitë Brit e MTV. Në Hollywood mori vëmendje me paraqitjet në filmat si “Forgetting Sarah Marshall” dhe “Get Him To The Greek”.
