Shkup, 20 Dhjetor – Qeveria e Maqedonisë së Veriut sot e mbajti seancën e 112-të në të cilën e konstatoi Projektligjin për ratifikimin e Marrëveshjes ndërmjet Republikës së Maqedonisë së Veriut dhe Bashkimit Evropian për aktivitetet operative që i kryen Agjencia Evropiane e Rojës Kufitare dhe Bregdetare në Republikën e Maqedonisë së Veriut.
Kjo Marrëveshje, sipas arsyetimit të Ministrisë së Punëve të Jashtme, hapë mundësinë e krijimit të operacioneve të përbashkëta të Agjencisë Evropiane të Rojës Kufitare dhe Bregdetare në territorin e Republikës së Maqedonisë së Veriut.
“Përfundimi i kësaj marrëveshjeje ndërkombëtare, e cila do të kontribuojë në krijimin e një kuadri ligjor në përputhje me Rregulloren e re 2019/1896 për Rojet Kufitare dhe Bregdetare Evropiane, e cila do t’i mundësojë Agjencisë për Rojet Kufitare dhe Bregdetare Evropiane të dislokojë ekipet e saj, në territorin e Republikës së Maqedonisë së Veriut, menaxhojë kufirin, si dhe të parandalojë bashkë krimin ndërkufitar.
Me hyrjen në fuqi të kësaj Marrëveshjeje, me kërkesë të vendit tonë është e mundur që në pikat kritike kufitare të vendosen oficerë policorë të FRONTEX-it, së bashku me policët e Republikës së Maqedonisë së Veriut, si dhe do të kontribuojë në rritjen e niveli i bashkëpunimit, shkëmbimit të përvojave dhe njohurive si dhe do të ketë mundësi të përdoren të gjitha pajisjet e FRONTEX.
Kontributi më i rëndësishëm me nënshkrimin e kësaj Marrëveshjeje, sipas Ministrisë së Punëve të Jashtme, është forcimi i sigurisë së qytetarëve të Republikës së Maqedonisë së Veriut, si partner i barabartë me vendet e tjera anëtare të BE-së, duke ndarë përgjegjësitë për sigurinë e përbashkët kufitare të vendeve në Evropë.
Marrëveshja duhet të ratifikohet për të qenë pjesë e rendit të brendshëm juridik të shtetit. Pas zbatimit të procedurës së ratifikimit, për ratifikimin do të njoftohet shërbimi ligjor i KE-së.
Qeveria në seancën e sotme ka marrë vendim për miratimin e mjeteve nga Buxheti i Republikës së Maqedonisë së Veriut për vitin 2022, me të cilin Komunës së Dojranit i miraton mjete në vlerë prej 65.000.000 denarë, për financimin e projektit “Rindërtimi dhe avancimi i sistemi kolektor dhe impianti për trajtim në Komunën e Dojranit”. Vendimi parasheh që komuna e Dojranit mjetet t’i shfrytëzojë ekskluzivisht për qëllimin për të cilin janë ndarë.
Qeveria mori vendim për miratimin e mjeteve nga Buxheti i Republikës së Maqedonisë së Veriut për vitin 2022 në vlerë prej 200.000.000 denarë për Komunën e Likovës, për financimin e ndërtimit të ujësjellësit. Vendimi parasheh që Komuna e Likovës mjetet t’i shfrytëzojë ekskluzivisht për qëllimin për të cilin janë ndarë.
Në mbledhje, me propozim të Ministrisë së Punës dhe Politikës Sociale, u miratua Informata për pagesën e pensioneve për muajin dhjetor 2022.
