Shkup, 14 tetor – Ndryshimet në arsim duhet të vazhdojnë, dhe SASHK-u do të japë kontribut aktiv në krijimin dhe zbatimin e politikave me të cilat MASH-i dhe institucionet tjera kompetente do të përmirësojnë cilësinë e procesit arsimor në vend. Ky është përfundimi i takimit të sotëm të ministrit të Arsimit dhe Shkencës, Jeton Shaqiri me kryetarin e Sindikatës së Pavarur të Arsimit, Jakim Nedellkov, ku u diskutua për gjendjen aktuale dhe planet e ardhshme në arsim.
Siç informojnë nga Ministria e Arsimit, Shaqiri ka theksuar se është veçanërisht i kënaqur me bashkëpunimin me SASHK-un në muajt e kaluar në të cilët ai drejton Ministrinë dhe pret që ai të intensifikohet në interes të ndërtimit të një sistemi më të mirë arsimor, sepse, siç tha ai, do të intensifikohen të gjitha proceset e tjera që duhet ta afrojnë vendin drejt anëtarësimit në familjen evropiane, me të cilën tashmë kanë filluar negociatat.
Ministri i Arsimit theksoi se mësuesit janë hallka më e rëndësishme në procesin arsimor dhe pa motivimin e tyre, dhe për shkak se nuk mund të ketë as mësimdhënie cilësore, as ndryshimet nuk do të ishin efektive, prandaj Ministria e Arsimit dhe Kulturës, si dhe SASHK-u, avokon për përmirësimin e të drejtave dhe kushteve të tyre të punës. Përkujtoi se rritja e pagave të të punësuarve në shkollat fillore dhe të mesme për 15 për qind nga muaji i kaluar është pikërisht rezultat i bashkëpunimit dhe marrëveshjes së suksesshme mes partnerëve socialë.
Edhe kryetari i SASHK-ut, Nedellkov, tha se është i kënaqur me hapjen e Ministrisë për bashkëpunim dhe realizim të përbashkët të iniciativave që janë në interes të nxënësve, mësimdhënësve dhe në përgjithësi në interes të arsimit cilësor. Ai pret, siç theksoi, që në të ardhmen institucionet e sistemit të ofrojnë një mekanizëm për rritjen e vazhdueshme të të ardhurave personale të pedagogëve.
Në takim u diskutua edhe për procesin e përgatitjes dhe dorëzimit të teksteve dhe materialeve të reja mësimore, sidomos në arsimin fillor, si temë aktuale e ditëve të fundit. Bashkëbiseduesit ranë dakord se është një proces kompleks, por është i domosdoshëm që të realizohet, si dhe në të ardhmen të punohet për ndryshimin e rregulloreve ligjore me qëllim të thjeshtimit të procedurave dhe përfundimit të aktiviteteve në kohën e duhur para çdo viti të ri shkollor.
