GazetaMax
Lajme

Skandaloze/ Komunës së Tearcës i ndërpritet rryma për shkak të faturave të papaguara

Objekti i Komunës së Tearcës sot mbeti pa rrymë elektrike për shkak të faturave të papaguara ndaj EVN-së. Megjithatë, siç informuan nga komuna dhe EVN-ja për Portalb.mk, faturat janë paguar dhe do të bëhet përsëri lidhja.

Komunës së Tearcës sot iu ndërpre rryma për shkak të faturave të papaguara, edhe pse kryetari i komunës Nuhi Neziri për Portalb.mk thotë se nuk kanë borxhe.

“Janë çështje teknike, nuk kemi borxhe me EVN-në, jemi krejt në rregull”, tha Neziri.

Por një gjë të tillë e mohuan nga EVN-ja.

“Komuna e Tearcës është shkyçur si rezultat i faturave të papaguara ndaj elektrodistribuimit”, thanë nga EVN.

Megjithatë kryetari i komunës thotë se “elektrodistributori është bërë faktor ngaqë nuk ka kontaktuar me ne”.

Neziri tha se kjo çështje është zgjidhur dhe presin konfirmim.

Edhe nga EVN-ja për Portalb.mk e konfirmuan se komuna ka paguar dhe se do të bëjnë lidhjen përsëri.

Për këtë problem kritikuan eksponentë të koalicionit VLEN.

Related posts

Qeveria inicon heqjen e shtetësisë së Onishçenkos

Gazeta Max

Plenkoviqi mbështet Mickoskin për integrimin europian të vendit

Gazeta Max

Nuredini: Ngjarje për përmirësimin e gjendjes mjedisore të monumentit të natyrës Liqeni i Dojranit 

Gazeta Max