GazetaMax
Lajme

Skender Rexhepi Zejd: Faji bie vetëm mbi Qeverinë

Kam pritur që kjo qeveri, ashtu si çdo shtet normal në botë, fillimisht të përqendrohej në ndihmën ndaj të lënduarve dhe familjarëve të viktimave nga kjo tragjedi e madhe që goditi vendin tonë. Së paku gjatë këtyre 7 ditëve zie, duhet të respektohen viktimat dhe të lënduarit.

Por, fatkeqësisht, qeveria që në ditën e parë e nisi me “gjuetinë e shtrigave”, duke fajësuar qeverinë e kaluar.
Nëse tashmë po flasim për përgjegjësi politike, atëherë duhet ta kemi të qartë se përgjegjësia për këtë tragjedi të madhe bie drejtpërdrejt mbi qeverinë aktuale:

• Pavarësisht nëse diskoteka ka pasur licencë të falsifikuar apo jo, në ditën kur është mbajtur koncerti, ajo nuk ka pasur fare licencë. Për këtë, përgjegjësia bie mbi Ministrinë e Ekonomisë dhe drejtorinë përkatëse.
• Policia, e cila shkoi në vendin e ngjarjes për të hetuar praninë e narkotikëve dhe minorëve, “harroi” të kërkojë nga pronari licencën për organizimin e koncertit. Për këtë, përgjegjësia bie drejtpërdrejt mbi Ministrin e Punëve të Brendshme.
• Kryetari i Komunës gjithashtu mban përgjegjësi të drejtpërdrejtë për këtë tragjedi.

Çfarë duhet të ndodhë më tepër që Kryeministri të japë dorëheqje, kur dy ministra dhe një kryetar komune nga qeveria e tij janë të përfshirë në këtë tragjedi të rëndë për vendin tonë?

Related posts

Petrovska: Partneriteti në NATO është një mundësi tjetër për të treguar fuqinë e Aleancës

Gazeta Max

Shaqiri: Nxënësit do të shfrytëzojnë pushimin pranveror nga 29 prilli deri më 5 maj 2024

Gazeta Max

Për festat e fundvitit të keni kujdes me ushqimin, alkoolin dhe në trafik, rreziqe edhe nga mjetet piroteknike

Gazeta Max