Shkup, 19 shtator – Presidenti Stevo Pendarovski sot do të marrë pjesë në varrimin shtetëror të mbretëreshës britanike Elizabeta e Dytë në Pallatin Uestminster në Londër.
Kreu i shtetit shoqërohet nga bashkëshortja e tij Elizabeta Gjorgievska.
Ata dje i bënë nderimet e fundit mbretëreshës britanike Elizabeta e Dytë në Londër në Librin e Zisë
“Me bashkëshorten time i bëmë homazhe mbretëreshës Elizabeta e Dytë, përpara ceremonisë së nesërme të varrimit në Pallatin Uestminster. Shumë respekt për shërbimin e saj prej dekadash ndaj popullit dhe për të qenë shembull i lidershipit, modestisë dhe bujarisë. U preftë në paqe”, ka shkruar presidenti Pendarovski në profilin e tij në Fejsbuk.
Mbretëresha Elizabeta e Dytë vdiq në moshën 96-vjeçare më 8 shtator. Ajo ishte monarkja më jetëgjatë në historinë britanike dhe kreu më i vjetër i shtetit në botë.
