Shkup, 16 dhjetor – Sindikata e pavarur akademike (SPaA) sot në Kinotekë do të mbajë diskutim të hapur “Ligji për arsimin e lartë: Përvojat nga zbatimi dhe nevoja nga ndryshimet”.
Diskutimi, siç kumtoi SPaA, ka për qëllim që të evidentojë përvoja nga zbatimi i Ligjit për arsimin e lartë (LAL) në të gjitha aspektet e tij, që nga garantimi i autonomisë dhe mënyra e realizimit të tij deri te përgjegjësia e institucioneve të arsimit të lartë për zbatimin e ligjit dhe duke identifikuar dobësitë e tij.
Sipas SPaA, vetëm në bazë të kushteve të identifikuara duhet të artikulohen nevojat për ndryshim dhe plotësim të LAL.
SPaA në diskutim i fton të gjithë anëtarët e bashkësisë akademike, organet drejtuese në institucionet e arsimit të lartë dhe institucionet kyçe për arsim të lartë.
