Si çdo mëngjes edhe sot kryeministri Edi Rama e ka nisur ditën duke përsëritur ftesën e dialogut me studentët protestues. Në videon e shpërndarë në rrjetet sociale, edhe këtë të enjte kreu i qeverisë ka nxjerrë tryezën e gurtë dhe sipër saj letrat me mbishkrimin dialog.
Por pavarësisht ftesës së përsëritur të Ramës, studentët kanë refuzuar vazhdimisht dialogun me kryeministrin duke kërkuar dorëheqjen e tij.
Një ditë më parë studentët kanë njoftuar ndryshim strategjie për protestat duke zhvilluar protesta kombëtare dy herë në javë, çdo të mërkurë dhe të shtunë, në të njëjtën orë.
Ata vendosur zhvillimin e protestës së radhës kombëtare ditën e shtunë, më 7 nëntor, në orën 14:00, përballë Ministrisë së Arsimit.
Kërkesa e tyre kryesore mbetet dorëheqja e kryeministrit Edi Rama, ndërsa akuzojnë pushtetin se ka injoruar deri më tani kërkesat e protestuesve.
Burimi:botasot.info
