Gostivar, 24 janar – Ambasadorja amerikane Angela Price Aggeler, sot vizitoi qytetin e Gostivarit, e ku u prit nga kryetari i kësaj komune, Arben Taravari, informon Zhurnal.
Së bashku me kryetarin e këshillit të komunës, Valbon Limani, Taravari bëri gjiro nëpër qytet me ambasadoren Aggeler, e ku biseduan me qytetarët për ta njohur me kulturën dhe traditat e qytetit dhe për të ndjerë mikëpritjen gostivarase.
Taravari falenderoi ambasadoren Aggeler për mbështetjen e vazhdueshme të SHBA-ve për vendin dhe komunën.
“E falënderova Ambasadoren Aggeler për mbështetjen e vazhdueshme të SHBA-ve për vendin dhe komunën tonë, ku kemi zhvilluar shumë projekte në bashkëpunim me agjenci të ndryshme të financuara nga populli mik amerikan. Bashkëbiseduam edhe për projektet e së ardhmes në komunë dhe shpreha mirënjohje për bashkëpunimin e shkëqlyeshëm në funksion të rritjes së mirëqenies qytetare dhe mjedisore, transparencës dhe llogaridhënies.
Bashkërisht vazhduam edhe në diskutimin e organizuar nga Qendra Rinore dhe Komunitare (YCC) në Gostivar, një bashkëfinancim i Ambasadës së SHBA dhe e Komunës së Gostivarit, ku u mbajt diskutimi “Të flasim për sfidat dhe të ardhmen e Maqedonisë së Veriut””, u shpreh mes tjerash Taravari.
https://www.facebook.com/arbentaravari.mk/posts/pfbid0f56gjB1tjcAJCjzK3QNvKCJxoS57erFQNbi2kn1XoiWVF5zFLSrWMLYNWrAHTjdKl
